Soms verloor ’n mens beheer oor jou finansies. Dit is oukei om te vra vir hulp.
Hoekom Skuldberading?
Soveel Suid-Afrikaners bevind hulleself in ’n finansiële verknorsing sonder enige hoop om binnekort uit hierdie skuldstrik uit te kom. Met die styggende rentekoerse, brandstof en voedsel pryse voel dit soms net onmoontlik om kop bo water te hou.
Skuldberading, ook bekend as skuldhersiening is ’n formele regsproses wat jou kan help om jou maandelikse skuld paaiemente te verminder en jou rentekoerse af te bring. Terselfde tyd beskerm skuldberading jou ook teen enige verder regsaksie vanaf jou krediteure en skuldeisers. Dus is jou bates soos jou huis, voertuig en meubels beskerm en mag skuldeisers nie daarop beslag lê nie.
Skuldberading gee vir jou die geleentheid om jou skuld af te betaal sonder dat jy nog skuld hoef te maak.
Hoe werk Skuldberading met Hulp met Skuld:
Hulp met Skuld is die middelman tussen jou en jou krediteure. Sodra jy aansoek doen vir skuldberading gaan die volgende gebeur:
- Jy word geregistreer by die Nasionale Kredietreguleerder dat jy aansoek gedoen het vir skuldberading.
- Ons stel al jou krediteure in kennis dat jy aansoek gedoen het vir skuldberading.
- Jou krediteurestuur vir ons sertifikate van jou uitstaande balanse.
- Sodra ons al die state vanaf jou krediteure ontvang het, herstruktureer die skuldberader jou skuld en onderhandel met jou krediteure vir verlaagde rentekoerse.
- Hierdie herstrukturering van jou skuld word deur ’n landdroshof of die Nasionale Verbruikerstribunaal goedgekeur.Met hierdie proses word jy bygestaan deur Hulp met Skuld se span toegewyde prokureurs.
- Alle betalings wat jy maak word deur ’n betalingsverspreidingsagent gedoen wat ook geregistreer is by die Nasionale Kredietreguleerder. Hulp met Skuld maak gebruik van DC Partner as ons betalingsverspreidingsagent. DC Partner vorder die fondse en maak die maandelikse betalings aan al jou krediteure. Hulp met Skuld het dus nooit enige toegang op die geld wat jy maandeliks vir jou krediteure betaal nie.
- DC Partner epos maandeliks vir jou ’n staat met elke verdeling.
- Sodra al jou skuld afbetaal is sal Hulp met Skuld vir jou ’n klaringsertifikaat uitreik en die klaringsertifikaat vir die kredietburo’s stuur.
